काठमाडौं । विद्यालयको पठनपाठन छाडेर सडक आन्दोलनमा उत्रिएका शिक्षक र सरकारबीच भएको बार्ता निश्कर्षविहीन बनेको छ।
यसअघि शिक्षा मन्त्रालयले वार्तामा आउन गरेको आग्रहलाई अस्वीकार गरेका शिक्षक महासंघ आज भने उपप्रधान एवम गृहमन्त्रीले संयोजन गरेको वार्तामा बसेका हुन् । उपप्रधानमन्त्री तथा गृहमन्त्री नारायणकाजी श्रेष्ठको पहलमा शिक्षामन्त्री अशोककुमार राई, सचिव सुरेश अधिकारीसहितको सरकारी टोली र नेपाल शिक्षक महासंघकी अध्यक्ष कमला तुलाधरसहितको प्रतिनिधि मण्डलबीच वार्ता भएको थियो । तर बर्तामा कुनै ठोस परिणामा दिन नसकेकपछि उनिहरुले काठमाडौं केन्द्रीत आन्दोलनलाई आज पनि निरन्तरता दिने भएका छन् ।
वार्तामा दुवै पक्षका मागहरुको सन्दर्भमा सकारात्मक छलफल भएको र समस्या समाधान गर्न दुवै पक्ष तयार रहेको बताइएको छ । बार्तामा गृहमन्त्री श्रेष्ठले जारी आन्दोलन फिर्ता लिन आग्रह गरेका छन् । शिक्षक प्रतिनिधिहरुले भने माग सम्बोधन नभएसम्म आन्दोलनका कार्यक्रम फिर्ता नलिने अडान राखेका छन् । शिक्षकहरुको अहिलेसम्मकै ठूलो आन्दोलन, पेल्ने मुडमा सरकार ! सरकारका मन्त्रीसँग वार्तामा बस्न अस्वीकार गर्दै आएको शिक्षक महासंघका एक प्रतिनिधि रण बहादुर तिरुवा भने जारी आन्दोलनका विषयमा जानकारी लिन गृहमन्त्रीले बोलाएको छलफलमा मात्र सहभागी भएको बताए । समस्या समाधानका लागि सरकार मात्र नभइ सदन सहित संर्वपक्षीय वार्ता आवश्यक रहेको उनले बताए । सरकारले संसदमा दर्ता गरेको विद्यालय शिक्षा विधेयकविरुद्ध देशभरका शिक्षकहरु बुधबारदेखि काठमाडौं केन्द्रित सडक आन्दोलनमा उत्रिएका छन् । शिक्षकहरुको प्रदर्शनका कारण हिजो दिनभरजसो माइतीघर–नयाँ बानेश्वरका साथै उपत्यकाका विभिन्न स्थानको सवारी आवागमन अस्तव्यस्त बनेको थियो । आज पनि प्रर्दशनको तयारी शिक्षकहरुले गरेका छन् । सम्पूर्ण निजि विद्यालय ठप्प छन् ।
